ޚިދުމަތާ ބެހޭ ތަފްޞީލް

ކުޑަކުދިންނާބެހޭ ކޯޓުގެ ޝަރީޢަތުގައި ދަޢުވާ ލިބޭފަރާތް ތަމްސީލުކޮށް ވަކާލާތުކުރާނެ ވަކީލެއްގެ ޚިދުމަތްހޯދުމަށް ކުޑަކުދިންނާބެހޭ ކޯޓުން ހުއްދަ ދެއެވެ. މިގޮތުން ވަކާލާތުކުރުމަށް އެދި ހުށަހަޅާ ފަރާތްތަކަށް ހުއްދަދޭނީ ޤަވާޢިދުން އެކަމަށްއެދި ހުށަހަޅައި އަދި ހުށަހަޅަންޖެހޭ ލިޔެކިއުން ފުރިހަމަވާނަމައެވެ.

މި ޚިދުމަތް ލިބިގަންނާނެގޮތުގެ ތަފްޞީލް ތިރީގައި މިވަނީއެވެ.

ޚިދުމަތްދޭ ތަން: ކުޑަކުދިންނާބެހޭ ކޯޓު، ފަންހިޔާ ބިލްޑިންގ، 2 ވަނަ ފަންގިފިލާ، ހަވީރީހިނގުން، މާލެ،
ފޯނު: 3332645 (+960)
ޚިދުމަތްދެވޭ ގަޑި: ހެނދުނު 8:00 ން މެންދުރުފަހު 16:00 އަށް، ސަރުކާރު ބަންދުނޫން ދުވަސްދުވަހު.
ޚިދުމަތް ދިނުމަށް ޢާއްމުކޮށް ނަގާ ވަގުތު: 00:30 (ތިރީސް) މިނެޓް
ޚިދުމަތް ހޯދުމަށް ދާންޖެހޭ ފަހަރު: 01 (އެކެއް)

ވަކާލާތުކުރުމުގެ ހުއްދަ ދިނުމުގައި ބަލާކަންތައްތައ

• ވަކާލާތުކުރުމުގެ ހުއްދަ އޮތް ފަރާތެއްކަމުގައިވުން.
• އެއްވެސް ސަބަބަކާހުރެ ވަކާލާތުކުރުމުގެ ހުއްދަ ހިފެހެއްޓިފައިވާ މީހަކުކަމުގައި ނުވުން.
• ހުށަހަޅަންޖެހޭ ފޯމުގައި ހުންނަންޖެހޭ މަޢުލޫމާތާއި ފޯމާއެކު ހުށަހަޅަންޖެހޭ ލިޔެކިޔުން ފުރިހަމަކޮށް ހުށަހެޅުން.

ޢަމަލުކުރަންވީ ގޮތް

• ފުރިހަމަކޮށްފައިވާ "ވަކާލާތުކުރުމަށް އެދޭފޯރމް" އާއި ހުށަހަޅަންޖެހޭ އިތުރު ލިޔުންތައް ކުޑަކުދިންނާއިބެހޭ ކޯޓުގެ ރިސެޕްޝަނަށް ހުށަހެޅުން.
• އެދިފައިވާ ޤަޟިއްޔާގެ ލިޔުންތައް ބެލުމަށްފަހު، ކޯޓުގެ ނިންމުން ވަގުތުން ނުވަތަ ފޯނުގެ ޒަރިއްޔާއިން އެންގޭނެއެވެ.
• ކޯޓުގެ ނިންމުން ލިޔުމަކުން ލިބުމަށްވެސް އެދެވިދާނެއެވެ.
• ލިޔެކިޔުން ބަލާއައުމަށް އެންގުމުން، ދިވެހިރައްޔިތެއްކަން އަންގައިދޭ ކާޑު ހިފައިގެން ކުޑަކުދިންނާބެހޭ ކޯޓަށް ޙާޒިރުވުން.
• ލިޔުން ތައްޔާރުކުރެވުމުން، ލިޔުން ބަލާއައުމަށް ފޯނުގެ ޒަރިއްޔާއިން އެންގޭނެއެވެ.

ހުށަހަޅަންޖެހޭ ލިޔެކިޔުން

"ވަކާލާތުކުރުމަށް އެދޭ ފޯރމް"

ވަކީލާއި މުވައްކިލުގެ ދިވެހިރައްޔިތެއްކަން އަންގައިދޭ ކާޑު (ކޮޕީ)

ވަކާލާތުކުރުމުގެ ހުއްދައިގެ ކޮޕީ

ޝަރުޠ

ނެތް