ޚިދުމަތާ ބެހޭ ތަފްޞީލް

ކުޑަކުދިންނާބެހޭ ކޯޓުގައި ހުނގަމުންދާ މައްސަލައަކާ ގުޅޭ ލިޔުންތައް ހޯދަން ބޭނުންވެއްޖެނަމަ، ކުޑަކުދިންނާބެހޭ ކޯޓުން ދޫކުރާ "މައްސަލައާގުޅޭ ލިޔުންތަކަށް އެދޭ ފޯމު" ފުރިހަމަކުރުމަށް ފަހު ހުށަހެޅުމުން އެ ލިޔުންތައް ދޫކުރެވޭނެއެވެ. މިފަދަ ލިޔުމެއް ދޫކުރެވޭނީ ދަޢުވާ ލިބޭފަރާތަށް ނުވަތަ ދަޢުވާ ލިބޭ ފަރާތުން ކަނޑައަޅާ ފަރާތަކަށެވެ.

މި ޚިދުމަތް ލިބިގަންނާނެގޮތުގެ ތަފްޞީލް ތިރީގައި މިވަނީއެވެ.

ޚިދުމަތްދޭ ތަން: ކުޑަކުދިންނާބެހޭ ކޯޓު، ފަންހިޔާ ބިލްޑިންގ، 2 ވަނަ ފަންގިފިލާ، ހަވީރީހިނގުން، މާލެ،
ފޯނު: 3332645 (+960)
ޚިދުމަތް ދިނުމަށް ޢާއްމުކޮށް ނަގާ ވަގުތު: 03 (ރަސްމީ ދުވަސް)
ޚިދުމަތް ހޯދުމަށް ދާންޖެހޭ ފަހަރު: 02 (ދޭއް)

ޝަރުޠ

މައްސަލައާގުޅޭ ލިޔުންތައް ހޯދުމަށް އެދޭފަރާތަކީ، ސީދާ ދަޢުވާލިބޭ ފަރާތް ނުވަތަ ދަޢުވާލިބޭ ފަރާތުން ކަނޑައަޅާ ފަރާތަކަށް ވާންވާނެއެވެ.

ބަދަލު ލިބެންވާ ފަރާތް

ޢަމަލުކުރަންވީ ގޮތް

• ފުރިހަމަކޮށްފައިވާ "މައްސަލައާގުޅޭ ލިޔުންތަކަށް އެދޭ ފޯމް" ކުޑަކުދިންނާބެހޭ ކޯޓުގެ ރިސެޕްޝަނަށް ހުށަހެޅުން.
• ހޯދުމަށް އެދުނު ލިޔެކިއުމުގެ ކޮޕީތައް ހެއްދުމަށް ދައްކަންޖެހޭ ފައިސާ ދެއްކުން، އަދި ރަސީދު ހޯދުން.
• ހޯދުމަށް އެދިފައިވާ ލިޔެކިއުމުގެ ކޮޕީ ތައްޔާރުކުރެވުމުން އެ ބަލާ އައުމަށް ފޯނުގެ ޒަރިއްޔާއިން އެންގޭނެއެވެ.
• ލިޔެކިޔުން ބަލާއައުމަށް އެންގުމުން، ދިވެހިރައްޔިތެއްކަން އަންގައިދޭ ކާޑު ހިފައިގެން ކުޑަކުދިންނާބެހޭ ކޯޓުގެ އިދާރާއަށް ޙާޒިރުވުން.
• ލިޔުމުގެ ކޮޕީތައް ބަލައިގަތުން.

ހުށަހަޅަންޖެހޭ ލިޔެކިޔުން

"މައްސަލައާގުޅޭ ލިޔުންތަކަށް އެދޭ ފޯމް "

ދިވެހިރައްޔިތެއްކަން އަންގައިދޭ ކާޑު ގެ ފޮޓޯކޮޕީއެއް.

ދިވެހިރައްޔިތެއްކަން އަންގައިދޭ ކާޑު ނުވަތަ ކާކުކަން އަންގައިދޭ ރަސްމީ އެހެން ލިޔުމެއްގެ އަޞްލު ( މި ހުށަހަޅާނީ ލިޔެކިޔުމުގެ ކޮޕީތައް ބަލާ ވަޑައިގަންނަވާއިރުއެވެ.)

ފީ

ހޯދުމަށް އެދިވަޑައިގެންފައިވާ ލިޔުންތަކުގެ ކޮޕީ ހަދައިދެވޭ ކޮންމެ ޞަފްޙާއަކަށް-/1 ރުފިޔާ