އެމެރިކާގެ ހަވާޑް ޔުނިވަރސިޓީގައި މާސްޓާރސް އޮފް ޕަބްލިކް ޕޮލިސީ ކިޔަވަމުންގެންދާ މިސް މިލާ ސެރެސީނާ، ޖުޑީޝަލް ސަރވިސް ކޮމިޝަންގައި ފުރިހަމަކުރައްވަމުންގެންދަވާ 06 ހަފްތާގެ މަސައްކަތުގެ ތަޖްރިބާގައި، ކުރައްވަމުންގެންދަވާ ފަނޑިޔާރުން ޢައްޔަން ކުރުމާއި، މުސާރަޔާއި ޢިނާޔަތްތައް ކަނޑައެޅުމާއި، ޕާފޯމަންސް އަދި ޕްރޮމޯޝަން ދިނުމުގައި އެހެން ބައެއް ޤައުމުތަކުގައި އެކަންތައްތައް ކުރާ ގޮތުގެ ދިރާސާ ހަދައިދިނުމާއި، އަދި ރާއްޖޭގައި އެކަންކަން ގެންދާނެގޮތާއިބެހޭގޮތުން ލަފާދިނުމުގެ މަސައްކަތުގައި، ފަނޑިޔާރުންގެ ޚިޔާލު ހޯދުމަށް ބޭނުންވާތީ، 22 ޖުލައި 2010 ވަނަ ދުވަހުގެ ރޭ 21:00 ގައި ކުޑަކުދިންގެ ކޯޓުގެ ފަނޑިޔާރުންނާ ބައްދަލު ކުރައްވައިފިއެވެ.

މި ބައްދަލުވުމުގައި ކުޑަކުދިންނާބެހޭ ކޯޓުގެ އިސްޤާޟީ ޝުޢައިބު ޙުސައިން ޒަކަރިއްޔާގެ އިތުރުން ކޯޓުގެ ފަނޑިޔާރު އަޙްމަދު ޝަކީލް ބައިވެރިވެވަޑައިގެންނެވިއެވެ.